ሰመረ ሰሎሞን ሳልሰይቲ መጽሓፉ ንኣንበብቲ የቕርብ፡ ተኽእሎ ፖለቲካዊ ስግግር ኣብ ኤርትራ፡ ካብ ሃንቀውታ ናብ ክውንነት

ሰመረ ሰሎሞን ሳልሰይቲ መጽሓፉ ንኣንበብቲ የቕርብ፦ ተኽእሎ ፖለቲካዊ ስግግር ኣብ ኤርትራ፥ ካብ ሃንቀውታ ናብ ክውንነት

መስከረም 12 2026

ካብ ራእይ ናብ ተግባር

ሓንቲ ሃገር ካብ ካብ ሃንቀውታ ናብ ክውንነት ብኸመይ ትሰጋገር፧ ኣብ'ታተኽእሎ ፖለቲካዊ ስግግር ኣብ ኤርትራ፥ ካብ ሃንቀውታ ናብ ክውንነት ዘርእስታ ሓዳስ መጽሓፉ፡ ደራሲ ሰመረ ነዚ ህጹጽ ሕቶ ክምልሶ ይህቅን።

ነቲ ኣብ ኤርታራ፡ ቀለስቲ ሓሳባት ንሕውየት ሃገር ዘርእስታ ቅድሚ ሕጂ ዝተሓትመት መጽሓፉ ዘንጸፎ መሰረት ብምኽታል፡ እዚ መቐጸልታ ጽሑፍ’ዚ ንሃብታም ናይ ቃልሲ ውርሻ ህዝቢ ናብ ዘተኣማምንን ንቕድሚት ዝጥምትን ናይ ስግግር ኣጀንዳ ከተኣሳስሮ ይፍትን። ደራሲ ክኔው ፍተሻ (diagnosis) ናይቲ ቕልውላው፡ እቲ ንኤርትራ ኣጋጢምዋ ዘሎ ቐንዲ ዕንቅፋት ዝተዀልፈ ፖለቲካዊ ስግግር ምዃኑ ይማጐት። እዚ ድማ ካብ ሻርነትዊ ጕዳይ ንላዕሊ መዋቕራዊ ጸገም ምዃኑ የስምረሉ።

ብዕስራን ሓደን ሰፋሕቲ (ዕመቈት ዘለዎም) ምዕራፋት ኣቢሉ፡ ሰመረ ኣብ ፖለቲካዊ፡ ቍጠባዊ፡ ማሕበራዊ፡ ባህላውን ጂኦፖለቲካውን መዳያት ኣድለይቲ ዝብሎም ኣገደስቲ ጽገናታት ይድህስስ። ካብ መላእ ዓለም ንዝተረኽበ ተዛማዲ ተመኩሮታት ከም መወከሲ ብምጥቃም ድማ ለውጢ ኸንቱ ሕልሚ ዘይኮነስ ጋህዲ ኽኸውን ተኽእሎ ከም ዘሎ ይእምት።

እዛ መጽሓፍ ካብ መቐጸልታ ንላዕሊ፡ ተግባራዊት ሰነድ’ያ። ንሕውየት ሃገር፡ ንመሰረታውያን ጠንቅታት ዘይምርግጋእ ንምፍታሕ፡ ከምኡ’ውን ነዛ ሃገር ህዝባ ናብት ዝደልዮን ዝግብኦን መጻኢ ንኸማእዝናን ክመርሓን እትሕግዝ ሓባሪት-መገዲ’ያ።

ኣገደስቲ መዳያት ናይታ መጽሓፍ

• ንህልዊ ጋጋት ከም መሰጋገሪ፦ ንታሪኽ ቃልሲ ምስ ምሕደራዊ ኣልያታት ተራኽብ፤

• ኵለ-መዳያዊ፦ ካብ ቍጠባ ክሳብ ባህሊ ንኹሉ ሸነካት ናይቲ ሕብረተ-ሰብ ትሽፍን፤

• ዘይሻራዊ፦ ኣብ ክንዲ ኣብ ሻራዊ ፖለቲካ፡ ኣብ መዋቕራዊ መፍትሒታት ተድህብን

• ኣብ ተግባር ዘተኰረ፦ ንዳግመ-ህንጻን ስግግርን ዘገልግል መዋቕራዊ ቕርጸ-መቓን ተቕርብብ።

ሰመረ ናይተን ክቡር ዋጋ ዝተከፍሎ ናጽነት ኤርትራን ዝተተልመ መብጽዓን ከምኡ’ውን ኤርትራ፡ ቀለስቲ ሓሳባት ንሕውየት ሃገር ዘርእስተን መጻሕፍቲ ደራሲ’ዩ።

ኣበይ ትርከብ

እዛ መጽሓፍ'ዚኣ ኣብ Amazon.com ከምኡ’ውን ኣብ Red Sea Press ንመሸጣ ቀሪባ ኣላ።

TeK'Elo Poletikawi Sighighir Ab Ertra (Prospects for Political Transition in Eritrea): Kab HanQewta Nab Kwninet (Translating Aspirations into Reality) (Tigrinya Edition): Solomon, Semere -: 9798234181800: Amazon.com: Books